तिप्पट लीड मिळवत विरोधकांच्या डोळ्यातून पाणी काढेल असा ठाम विश्वास:-सुहास अण्णा कांदे

 

लेवाजगत न्युज नाशिक:- नाशिक जिह्यातील नांदगाव विधानसभा मतदारसंघातील शिवसेना पक्षातील महायुतीचे अधिकृत उमेदवार सुहास कांदे यांच्या प्रचारासाठी आज भव्य जनसभेचे आयोजन करण्यात आले होते. 

 याप्रसंगी जनसमुदायाला संबोधित करताना सुहास अण्णा कांदे गतवेळपेक्षा तिप्पट लीड मिळवत विरोधकांच्या डोळ्यातून पाणी काढेल असा ठाम विश्वास यावेळी व्यक्त केला. सुहास अण्णा कांदे हा वंदनीय हिंदुहृदयसम्राट शिवसेनाप्रमुख बाळासाहेब ठाकरे यांचे विचार पुढे नेणारा सच्चा शिवसैनिक आहे. तो तुमच्यासोबत होता तोवर चांगला होता, पण आता तो तुम्हाला सोडून गेल्यावर लगेच गुंड झाला. 

 तो जर गुंड असेल तर कोविड काळात खिचडी, बॉडीबॅग्ज, कोरोना केंद्र यात भ्रष्टाचार करणारे तुम्ही खरे दरोडेखोर आहात असा घणाघात यासमयी केला. 

सुहास अण्णाच्या प्रयत्नांतून गिरणा नदीतून नांदगावसाठी समांतर नळ पाणीपुरवठा योजना करण्यात येणार आहे.

 हिंदुहृदयसम्राट बाळासाहेब ठाकरे करंजवण-मनमाड पाणीपुरवठा योजनेमुळे येथील पाणीटंचाई कायमची दूर होणार आहे. तसेच मनमाडला महिन्यातून दोनदा नव्हे तर रोज पाणी मिळेल. सुहास अण्णाने दोन फिरते दवाखाने केलेत, फिरते शासकीय कार्यालय देखील त्याने केलं आहे, लोकांच्या कामासाठी जेसीबी देणारा हा राज्यातील पहिला आमदार ठरला आहे. मनमाड हे मध्य रेल्वे वरील महत्त्वाचे जंक्शन आहे, तसाच आपला सुहास अण्णा देखील माणसांना जोडणारे जंक्शन आहे. मात्र जो नडला त्याला सायडिंगला लावायला तो कमी करत नाही,

 त्यामुळे या निवडणुकीत देखील तो विरोधकांना सायडिंगला लावून मोठ्या मताधिक्याने विजयी होईल हा विश्वास याप्रसंगी व्यक्त केला.

 

   नांदगावात सर्व सुखा समाधानाने नांदावेत यासाठी सुहास अण्णाला तिप्पट मताधिक्याने विजयी करा असे आवाहन स्थानिक मतदारांना केले.