यावलसह परिसरात धनंजय चौधरी यांचे ठिकठिकाणी औक्षण,मतदारांचा अभूतपूर्व प्रतिसाद

 यावलसह परिसरात धनंजय चौधरी यांचे ठिकठिकाणी औक्षण,मतदारांचा अभूतपूर्व प्रतिसाद

लेवाजगत न्यूज प्रतिनिधी यावल-महाविकास आघाडीचे काँग्रेसचे उमेदवार धनंजय चौधरी यांच्या प्रचारार्थ सोमवारी यावल शहरात भव्य रॅली काढण्यात आली. ठिकठिकाणी नागरिकांनी रॅलीचे उत्स्फूर्त स्वागत केले. महिलांनी उमेदवार धनंजय चौधरी यांचे औक्षण करत आशीर्वाद दिले. यावल शहरात मतदारांनी अभूतपूर्व प्रतिसाद दिल्याचे चित्र दिसून आले.

      उमेदवार धनंजय चौधरी यांचा सोमवारी यावल शहरात व तालुक्यात प्रचार दौरा होता. यावल शहरातील बोरावल गेट जवळील डॉ. बाबासाहेब आंबेडकर नगरातील फलक व प्रतिमेला माल्यार्पण करून रॅलीची सुरुवात झाली. त्यानंतर छत्रपती शिवाजी महाराज मार्गाच्या प्रतिमेला माल्यार्पण करण्यात आले. व्यास मंदिरात पदाधिकारी कार्यकर्ते व मतदारांसोबत जावून उमेदवार धनंजय चौधरी यांनी व्यासमुनींचे दर्शन घेतले. शहरातील प्रमुख मार्गावरून प्रचार रॅली काढण्यात आली.      

    ठिकठिकाणी नागरिकांनी रॅलीचे उस्फूर्तपणे स्वागत केले. तर महिलांनी उमेदवार धनंजय चौधरी यांचे औक्षण करत आशीर्वाद दिले. रॅलीला उदंड प्रतिसाद लाभल्याने शहराला यात्रेचे स्वरूप प्राप्त झाले होते. यावेळी काँग्रेसचे तालुकाध्यक्ष प्रभाकर सोनवणे, शेखर पाटील, जगदीश कवडीवाले, हाजी शब्बीर शेख, भगतसिंग पाटील, कदीरखान, केतन किरंगे, मुकेश येवले, अतुल पाटील, राकेश कोलते, राजू करांडे, हाजी इक्बाल खान, इम्रान पहेलवान, युनूस शेठ, अनिल जंजाले, मनोहर सोनवणे, अस्लम मेंबर, शरद कोळी, संतोष धोबी, पप्पू जोशी, कडू पाटील, हसन तडवी, बारी पंच मंडळाचे अध्यक्ष दगडू बारी, बशीर तडवी, हाजी गफ्फार शाह, संदीप सोनवणे, अजय बढे, कारंज घारु, अरुण लोखंडे, विक्की गजरे, विवेक अडकमोल, बापू पाटील यांच्यासह मविआतील सर्व पक्षांचे पदाधिकारी उपस्थित होते.