अखिल भारतीय मराठा सेवा संघाचा रोहिणी खडसे यांना जाहीर पाठींबा

 अखिल भारतीय मराठा सेवा संघाचा रोहिणी खडसे यांना जाहीर पाठींबा 

लेवाजगत न्यूज मुक्ताईनगर-अखिल भारतीय मराठा महासंघातर्फे मुक्ताईनगर मतदार संघाच्या उमेदवार रोहिणी एकनाथराव खडसे यांना ,राष्ट्रवादी काँग्रेस शरदचंद्र पवार पक्ष व महाविकास आघाडीची मुक्ताईनगर विधानसभा निवडणुकीसाठी उमेदवार म्हणून जाहीर पाठिंबा देण्यात आला आहे.

      सोमवारी मुक्ताईनगर येथे  शरद पवार  यांच्या सभेवेळी, मराठा सेवा संघाचे दीपकराज पाटील सर, धीरज पाटील, अमोल पाटील, चेतन पाटील, भूषण पाटील, निलेश बेलदार, अजय पाटील आणि इतर पदाधिकारी उपस्थित होते. या वेळी मराठा सेवा संघाने मला जाहीर पाठिंब्याचे पत्र सुपूर्द केले.

    पत्रात नमूद केल्याप्रमाणे, मराठा समाजातील आर्थिक दुर्बल घटकांचा शैक्षणिक, व्यावसायिक, शेती, रोजगार आणि आरोग्य क्षेत्रातील सर्वांगीण विकास व्हावा, यासाठी महाविकास आघाडीच्या उमेदवार ॲड. रोहिणी एकनाथराव खडसे यांना अखिल भारतीय मराठा महासंघ, मुक्ताईनगर, बोदवड व रावेर तालुक्यातर्फे जाहीर पाठिंबा देण्यात आला आहे.

      माजी मंत्री आ. एकनाथराव खडसे यांनी मराठा समाजाच्या भल्यासाठी बहुमूल्य कार्य केले आहे. त्यांनी शेती व्यवसायात तरुणांना संधी उपलब्ध करून दिली, रोजगारासाठी प्रयत्न केले, आणि समाजाच्या हितासाठी विधिमंडळात आवाज उठवला. या कार्याचा गौरव करत त्यांच्या कन्या ॲड. रोहिणी एकनाथराव खडसे यांचे हात बळकट करण्यासाठी तीनही तालुक्यांतील मराठा महासंघाने बिनशर्त पाठिंबा दिला आहे. समाज घटकांनी रोहिणी खडसे यांचे समर्थन करत त्यांना मतदान करण्याचे आवाहन करण्यात आले आहे.

    जाहीर पाठिंबा दिल्याबद्दल रोहिणी खडसे म्हणाल्या की , अखिल भारतीय मराठा सेवा संघाच्या सर्व पदाधिकाऱ्यांचे मनःपूर्वक आभार मानते. समाजातील आर्थिक दुर्बल घटकांचे, तरुणांचे प्रश्न सोडवण्यासाठी आणि समाजाच्या प्रगतीसाठी मी सदैव प्रयत्नशील राहीन अशी यानिमित्ताने ग्वाही देते.