ठाणे परिसर लेवा मित्र मंडळ तर्फे स्वातंत्र्यदिनी गुणवंत विद्यार्थ्यांचा सत्कार

ठाणे परिसर लेवा मित्र मंडळ तर्फे स्वातंत्र्यदिनी गुणवंत विद्यार्थ्यांचा सत्कार 

 लेवाजगत न्यूज ठाणे- परिसर लेवा मित्र मंडळ ठाणे यांचे विद्यमाने दि.१५ ऑगस्ट २०२४ रोजी स्वतंत्र भारताच्या ७८ व्या स्वातंत्र्यदिनी ठाणे येथे लेवा पाटीदार समाजातील गुणवंत- बुद्धिवंत विद्यार्थ्यांचा गौरव समारंभ आयोजित करण्यात आला होता.

यावेळी समाजातील इयत्ता पहिली पासून पदवी ते पदव्युत्तर पर्यंतच्या गुणवंत विद्यार्थी- विद्यार्थिनींचा प्रशस्तीपत्रक व रोख रक्कम बक्षीस देऊन गौरव करण्यात आला.

या प्रसंगी व्यासपीठावर मंडळाचे उपाध्यक्ष आर्किटेक मा. दिनेश वराडे, सचिव मा. जयंत झांबरे तसेच प्रमुख पाहुणे; उद्योजक मा. रत्नाकर चौधरी, संस्थाचालक साहित्यिक किसन वराडे हे उपस्थित होते.

 या अतिशय नियोजनबद्ध कार्यक्रमाच्या यशस्वीतेसाठी मंडळाचे पदाधिकारी श्री.दिव्यकांत नारखेडे, श्री. विपिन वराडे ,श्री मनोहर पाटील, श्री शरद चौधरी ,श्री रमेश खर्चे तसेच  मंडळाच्या सर्व कार्यकर्त्यांनी परिश्रम घेतले. सौ. संगीता चौधरी मॅडम यांनी कार्यक्रमाचे उत्तमरीत्या सूत्रसंचालन केले. प्रमुख पाहुण्यांनी खूप अभ्यासपूर्ण व मोलाचे मार्गदर्शन केले।

पालकांची व विद्यार्थ्यांची उपस्थितीही लक्षणीय होती.