सावदा पोलीस ठाण्याची कामगिरी काही तासातच मोटरसायकल चोर ताब्यात
सावदा पोलीस ठाण्याची कामगिरी काही तासातच मोटरसायकल चोर ताब्यात
लेवा जगत न्यूज सावदा -येथून जवळच असलेल्या रोझोदा येथील बजाज डिस्कवर १२५ सीसी ही १७ ते १८ तारखेच्या दरम्यान अज्ञात चोरट्यांने चोरी केली होती त्याचा काही तासातच सावदा पोलीस ठाण्यातील अधिकारी व कर्मचारी यांनी तपास करीत आरोपीस बाईकसह अटक केली आहे.
सविस्तर असे की दि.१७/०८/२०२४ रोजी रात्री ९.३० ते दि.१८/०८/२०२४ रोजीच्या सकाळी ५.०० वाजेच्या दरम्यान रोझोदा ता.रावेर येथील कमलाकर एकनाथ पाटील वय ५४ यांची ४५०००/- रुपये किमतीची बजाज डिस्कव्हर १२५ सीसी लाल काळ्या रंगाची मोटर सायकल कोणीतरी अज्ञात चोरट्याने मालकाच्या संमतीवाचुन चोरुन नेली होती. म्हणुन सावदा पोलीस स्टेशनला दि.१८/०८/२०२४ रोजी २२.३९ वाजता भारतीय न्याय संहीती २०२३ चे कलम ३०३(२) प्रमाणे गुन्हा दाखल करण्यात आलेला होता. सदर बाबत कोणतीही खात्रीलायक बातमी नसतांना सावदा पोलीस स्टेशन कडील स्टाफने गोपनीय माहीतीच्या आधारे चोरीस गेलेली मोटर सायकल व आरोपी याचा तपास करुन आरोपी नामे दिनेश लखन बारेला वय -३६ वर्षे, रा. खयडी -बरडी प्रिंप्रीजवळ ता.भिकनगाव जि.खरगोन मध्यप्रदेश यास शिताफिने पकडुन त्याचेकडुन चोरीस गेलेली मोटर सायकल हस्तगत केली आहे.
सदरचा गुन्हा काही तासातच उघडकिस आणून उत्तम कामगीरी सावदा पोलिसांनी केली आहे.
सदरची कामगिरी ही प्रभारी सहायक पोलीस निरीक्षक विशाल पाटील यांचे मार्गदर्शनाखाली सावदा पो स्टे येथील नेमणुकीचे सफौ बशीर तडवी, पोह संजीव चौधरी, पोह विनोद तडवी, पोह मझहर पठाण, पोना निलेश बाविस्कर यांनी केली आहे.
कोणत्याही टिप्पण्‍या नाहीत