सावदा येथे श्रीहरी जयंती उत्सव व श्रीराम जन्मोत्सव श्री स्वामीनारायण मंदिरात होणार बुधवार रोजी साजरा
सावदा येथे श्रीहरी जयंती उत्सव व श्रीराम जन्मोत्सव श्री स्वामीनारायण मंदिरात होणार बुधवार रोजी साजरा
लेवा जगत न्यूज सावदा- येथील वडताल धाम द्विशताब्दी महोत्सव निमित्त श्री स्वामीनारायण मंदिर सावदा येथे परमपूज्य ध.धु.आचार्य १००८ श्री.राकेश प्रकाशजी महाराज सद्गुरु शास्त्री श्री.धर्म प्रसाद दासजी, सद्गुरु शास्त्री भक्ती प्रकाश दासजी यांच्या आशीर्वादाने व प्रेरणेने श्रीहरी जयंती उत्सव व श्रीराम जन्मोत्सव बुधवार रोजी उत्साहात व जल्लोषात साजरा करण्यात येईल. दर पौर्णिमेला येथे भाविक आपली मनोकामना पूर्ण करण्यासाठी येत असतात व आपले मानता मानून आपले कार्य पूर्ण झाल्यावरती दर्शणार्थ येत असतात.
चैत्र शुद्ध नवमी बुधवार रोजी सकाळी बारा वाजता श्रीराम जन्मोत्सव निमित्त आरती व श्रीहरी जयंती उत्सव निमित्त रात्री दहा वाजून दहा मिनिटांनी श्री स्वामीनारायण भगवान यांची जन्म आरती अशा धार्मिक कार्यक्रमाचे आयोजन करण्यात आले आहे. यानिमित्त रात्री नऊ वाजता मंदिरात धुन व भजन कार्यक्रमाचे आयोजन करण्यात आले आहे. तरी परिसरातील भक्त भाविक बंधू भगिनींनी व नागरिकांनी या बुधवार रोजी होणाऱ्या दोघं उत्सवांना मोठ्या संख्येने उपस्थिती द्यावी असे आवाहन कोठारी शास्त्री भक्ती किशोर दासजी, लक्ष्मीनारायण स्वामी, सत्यप्रकाश स्वामी, अनंत प्रकाश व समस्त सत्संग मंडळ,महिला मंडळ,युवा मंडळ यांनी केले आहे.
कोणत्याही टिप्पण्‍या नाहीत