चालत्या अॅक्टीवा दुचाकीने अचानक घेतला पेट; सुदैवाने कुणालाही इजा नाही

 

चालत्या अॅक्टीवा दुचाकीने अचानक घेतला पेट; सुदैवाने कुणालाही इजा नाही

 लेवाजगत न्यूज यावल- यावल ते फैजपुर मार्गावरील रस्त्यावर असलेल्या एका पेट्रोल पंपाजवळ अचानक अॅक्टीवा दुचाकीने दुपारी अचानक पेट घेतला. यात कुणालाही इजा झालेली नाही. या आगीत दुचाकी जळून खाक झाली आहे.

या संदर्भात मिळालेली माहीती अशी की, यावल तालुक्यात फैजपूर येथील रहिवाशी मनिषा संजय महाजन वय-४० या आपल्या ताब्यातील अॅक्टिवा दुचाकी क्रमांक (एमएच १९- ३२४९) ने सोमवारी १ एप्रिल रोजी दुपारी तीन ते साडेतीन वाजेच्या सुमारास यावलकडून फैजपुर येथे जात असतांना सांगवी व हिंगोणा गावामध्ये  असलेल्या सांगवी  जवळील पॅट्रोल पंपाजवळच्या परिसरात रोडावर अॅक्टीवा दुचाकीने  ही अचानक बंद पडून जाम झाली. त्यानंतर दुचाकीला बाजूला थांबवून रोडाच्या कडेला लावली. पाहणी करीत असतांना दुचाकीने अचानक पेट घेतला. त्यात संपुर्ण दुचाकी जळून खाक झाली. यावेळी जवळच असलेल्या रसवंती चालकाच्या मदतीने आग विझवण्यात आले. मात्र तो पर्यंत संपुर्ण दुचाकी जळून गेली.