सावद्यात एकाचा दगडाने ठेचून खून वरिष्ठ अधिकाऱ्यांची घटनास्थळी भेट
सावद्यात एकाचा दगडाने ठेचून खून वरिष्ठ अधिकाऱ्यांची घटनास्थळी भेट
लेवाजगत न्यूज सावदा- खिरोदा रोडवर शहर हद्दीत असलेल्या शेतात सालदार म्हणून काम करणार्‍या प्रौढाचा निर्घृण खून झाल्याचे आज सकाळी उघडकीस आल्यामुळे परिसरात एकच खळबळ उडाली आहे.
( याच घरात मृतदेह आढळून आला)
या संदर्भात मिळालेली प्राथमिक माहिती अशी की, सावदा ते खिरोदा रोडच्या लगत असलेल्या शहर हद्दीत शेतात शोभाराम रिचू बारेला ( वय ४५) हा प्रौढ सालदार म्हणून काम करत असून तो शेतात बांधलेल्या खोलीतच वास्तव्यास होता. आज सकाळी त्याचा मृतदेह आढळून आला असून डोक्यात दगड घालून त्याला संपविण्यात आल्याचे प्रथमदर्शनी आढळून आले आहे. ही घटना खिरोदा रोडवर असलेल्या बेंडाळे यांच्या शेतात घडली.
आज सकाळी साडेसात वाजेच्या सुमारास शोभाराम बारेला यांचा मृतदेह आढळून आला असून मृतदेहावरच दगड पडलेला असल्यामुळे दगडाने ठेचून त्यांना संपविण्यात आल्याचे दिसून आले आहे. याची माहिती मिळताच मुक्ताईनगर विभागीय पोलीस अधिकारी राजकुमार शिंदे,सावदा पोलीस ठाण्याचे सपोनि जालिंदर पळे व सहकारी यांनी घटनास्थळी धाव घेतली तपास चक्रे फिरवली. परिसरातील नागरिकांनी घटनास्थळी धाव घेतली. शेवटचे वृत्त हाती आले तेव्हा पार्थिव हे शवविच्छेदनासाठी पाठविण्यात आले असून पोलिस स्थानकात नोंद करण्याचे आली आहे. या घटनेमुळे परिसर हादरला आहे.
कोणत्याही टिप्पण्‍या नाहीत