पुतण्याने केली काकाची हत्या

 

पुतण्याने केली काकाची हत्या 

 वृत्तसंस्था खापा -पोलीस स्टेशन अंतर्गत कोथुळणा येथे शेतामध्ये रस्त्याच्या व विहिरीच्या पाण्यावरून पुतण्याने काकाची हत्या केल्याची घटना घडली. कोथुळणा येथील आरोपी संदीप लक्ष्मण लांबट ( वय २८) व मृतक पुरुषोत्तम लांबट (वय ४९ ) यांचा एक वर्षापासून वाद सुरू होता. याची तक्रार यापूर्वी खापा पोलीस स्टेशनला करण्यात आली होती. तसाच वाद एक दोन दिवसांपूर्वी सुरू झाला होता.

  आरोपी संदीप लांबट याला मृतक पुरुषोत्तम लांबट त्याच्या शेतातून जाऊ देत नव्हता व त्याला नेहमीच अडवीत होता. हा वाद विकोपाला गेला. संतापून संदीपने काकावर कुऱ्हाडीने वार केले. त्यात पुरूषोत्तम ठार झाला. बातमी वाऱ्यासारखी पसरताच गावातील लोकांनी व नातेवाईकांनी घटनास्थळी धाव घेतली. पुरुषोत्तमला प्राथमिक आरोग्य केंद्रात नेण्यात आले. डॉक्टरांनी तपासून मृतक घोषित केले. फिर्यादी मुलगा आदित्य लांबट यांच्या तक्रारी वरून गुन्हा नोंदविण्यात आला.