मोटरमन च्या अंत्यसंस्कारासाठी ड्रायव्हर गेल्याने मुंबईत रद्द कराव्या लागल्या १४७ रेल्वेगाड्या

मोटरमन च्या अंत्यसंस्कारासाठी ड्रायव्हर गेल्याने मुंबईत रद्द कराव्या लागल्या १४७ रेल्वेगाड्या

लेवाजगत न्यूज मुंबई- मुंबईत एक धक्कादायक घटना घडली आहे. शुक्रवारी (९ फेब्रुवारी) भायखळा आणि सँडहर्स्ट रोड स्थानकांदरम्यान मध्य आणि हार्बर मार्गावर उपनगरीय रेल्वे सेवा उपलब्ध नसल्यामुळे हजारो लोकांना अडचणींचा सामना करावा लागला.

   प्रवाशांनी बराच वेळ रेल्वेगाड्यांची वाट पाहिली, मात्र निराशा झाली. रेल्वेने अचानक १४७ गाड्या रद्द केल्याचे प्रवाशांना समजताच ते आश्चर्यचकित झाले.

    प्रवाशांनी रेल्वे विभागाच्या अधिकाऱ्यांना गाडी रद्द करण्याचे कारण विचारले असता, रेल्वे चालक आपल्या सहकाऱ्याच्या अंत्यविधीला गेले असून त्यांना यायला उशीर झाल्याचे समजले.

   १४ चालक ड्युटीवर नव्हते

मध्य रेल्वेचे पीआरओ ए के जैन यांनी सांगितले की, ही घटना शुक्रवारी घडली. दुपारी मोटरमन (ट्रेन चालक) मुरलीधर शर्मा हे ट्रेनखाली आले, त्यामुळे त्यांचा जागीच मृत्यू झाला. घटनेनंतर त्यांच्या पार्थिवावर कल्याणमधील मुक्तिधाम येथे अंत्यसंस्कार करण्यात येणार होते.

   मुरलीधर यांच्या अंत्यसंस्कारासाठी इतर १४ मोटरमन मुक्तिधाम येथे गेले होते. सर्वजण ५ वाजेपर्यंत परतणार होते, पण यायला उशीर झाला.

   ८८ लोकल गाड्यांसह एकूण १४७ गाड्या मोटरमन न मिळाल्याने रद्द कराव्या लागल्या. प्रवाशांना अडचणींचा सामना करावा लागला. मात्र, नंतर रेल्वे वाहतूक पूर्वीप्रमाणे सुरू करण्यात आली.