स्विगी डिलिव्हरी बाॅय कडून महिलेचा विनय भंग

 

स्विगी डिलिव्हरी बाॅय कडून महिलेचा विनय भंग

वृत्तसंस्था पुणे-स्विगी डिलिव्हरी बाॅय सॅनटरी पॅडची डिलीव्हरी करण्यासाठी वाकडेवाडी परिसरातील एका कुटुंबात गेला हाेता. त्यावेळी त्याने २६वर्षीय महिलेस डिलीव्हरी देऊन ‘तुम सेक्स कराेगी?’ अशी विचरणा करत घरात शिरुन तिचा विनयभंग केल्याचा धक्कादायक प्रकार घडला आहे. याप्रकरणी खडकी पोलिस ठाण्यात पिडित महिलेने तक्रार दाखल केल्यानंतर, स्विगीच्या डिलीव्हरी बाॅयवर गुन्हा दाखल करण्यात आल्याची माहिती पाेलिसांनी दिली आहे.

   पोलिसांनी दिलेल्या माहितीनुसार, तक्रारदार यांनी स्विगी डिलीव्हरी अॅपवरुन त्यांचे घरगुती सामानाची ऑर्डर दिलेली हाेती. सदर सामान डिलीव्हरी बाॅय घरी घेऊन आल्यानंतर त्याची तपासणी करताना सॅनटरी पॅडचे पॅकिंग फाेडलेले असल्याचे दिसून आले. त्यामुळे त्यांनी त्याबाबतचा फाेटाे स्वीगीला पाठवला. त्यानंतर कंपनीने सॅनटरी पॅड घेऊन नवीन डिलव्हरी बाॅयला महिलेच्या घरचे पत्तायावर पाठवले. त्यानुसार डिलीव्हरी बाॅय महिलेचे घरी येऊन त्याने सॅनेटरी पॅडचे पॅकिंग महिलेस दिले.

 त्यावेळी त्याने पेमेंटबाबत महिलेकडे विचारणा केल्याने तिने त्यास स्विगीशी बाेलून घ्या असे सांगितले. त्यावर त्या डिलीव्हरी बाॅयने माेबाईल फाेन चार्जिंगचे निमित्ताने घरात शिरुन महिलेस ‘तुम सेक्स कराेगी?’ अशी विचारणा करत तिचा मनास लज्जा उत्पन्न हाेईल असे कृत्य करुन विनयभंग केला आहे. याबाबत खडकी पोलिस पुढील तपास करत आहे.