सुनसगावच्या कला शिक्षकाचा बैलगाडीवरुन पडल्याने मृत्यू
सुनसगावच्या कला शिक्षकाचा बैलगाडीवरुन पडल्याने मृत्यू
लेवाजगत न्यूज सूनसगाव-सुनसगाव (ता. भुसावळ) येथील दादासाहेब दामू पांडू पाटील माध्यमिक विद्यालयात कला शिक्षक म्हणून कार्यरत असलेले संदीप नरोत्तम महाजन (वय ४५, रा.साथी बाजार, नशिराबाद) हे रविवारी (दि.२४) सकाळी ७ ते ८ वाजेदरम्यान शेतातील कामासाठी बैलगाडी घेऊन जात होते. यावेळी बैल अचानक त्यांच्या वाड्याकडे घुसल्याने संदीप महाजन हे बैलगाडीवरुन पडले. यात त्यांच्या डोक्याला मार लागला. नाकातून रक्तस्त्राव झाल्याने त्यांना तातडीने जळगाव येथील जिल्हा सामान्य रुग्णालयात नेण्यात आले. मात्र, डॉक्टरांनी तपासणीअंती मृत घोषीत केल्याचे नातेवाइकांनी सांगितले. संदीप महाजन हे सुनसगाव येथे बीएलओ होते. ते एक उत्कृष्ट चित्रकार होते. त्यांच्या वडिलांचे नुकतेच निधन झाले होते.
कोणत्याही टिप्पण्या नाहीत