सावद्यात मोठ्या पोलीस बंदोबस्तात होणार गणपती विसर्जन व ईद साजरी

 

सावद्यात मोठ्या पोलीस बंदोबस्तात होणार गणपती विसर्जन व ईद साजरी 

लेवा जगत न्यूज सावदा -येथे सालाबादाप्रमाणे गणेश उत्सव गणेश चतुर्थी पासून दहा दिवस मोठ्या उत्साहात सामाजिक धार्मिक ,क्रीडा, कृषी ,पर्यावरण पूरक व व्यसनमुक्ती या विषयावर आरास करून साजरा करण्यात येतो. यावर्षीही हा उत्सव दिनांक १९ मंगळवार पासून मोठ्या उत्साहात सुरू झाला. भव्य दिव्य व सुंदर आकर्षक अशा मूर्ती पंचवीस गणेश मंडळांनी बसवल्या असून भाविक भक्त दररोज सकाळी व संध्याकाळी मोठ्या भक्ती भावे आरती करीत असतात.या उत्सवाचे निमित्त अनंत चतुर्दशीला गणेश विसर्जन मिरवणूक काढण्यात येते यासाठी सावदा पोलीस स्टेशनचे सहाय्यक पोलीस निरीक्षक जालिंदर फळे यांनी गणेश उत्सव काळात शहराच्या मिरवणूक मार्गावरून व ईद ए मिलाद च्या  जुलूसमार्गावरून रूट मार्च अधिकाऱ्यांसह केला होता.

      गणपती विसर्जन मिरवणूक व दुसऱ्या दिवशी होणारी ईद-ए-मिलादचा जुलूस या निमित्त सावदा शहरात वरिष्ठ अधिकारी जिल्हा पोलीस अधीक्षक एम राजकुमार व अतिरिक्त पोलीस अधीक्षक चंद्रकांत गवळी यांच्या मार्गदर्शनाखाली मुक्ताईनगर विभागाचे डी वाय एस पी राजकुमार शिंदे यांच्या नेतृत्वात सहाय्यक पोलीस निरीक्षक जालिंदर पळे ,पोलीस उपनिरीक्षक विनोद खांडबहाले ,अनवर तडवी शांताराम पाटील गुप्त वार्ताचे देवेंद्र पाटील,यशवंत टहाकले यांच्यासह दीडशे ते जणांचा पोलीस स्टॉप ,सीआरपीएफ स्टॉप ,दंगा नियंत्रण पथक व गृहरक्षक दलाचे जवान, महिला पोलीस कर्मचारी महिला गृह लक्ष दलाच्या महिला यांच्यासह मोठा फौज फाटा सावदा शहरात गणेशोत्सव व ईद च्या उत्सव मिरवणुकी साठी बंदोबस्तासाठी लावण्यात आलेला आहे .गणपती विसर्जन मार्गावर तसेच ईद मिलाद जुलूस मार्गावर उपद्रव करणाऱ्या वर नजर ठेवण्यासाठी शहरात ४० प्रमुख ठिकाणी सीसीटीव्ही कॅमेरे  बसवण्यात आलेले आहे .मिरवणुकीत २५मंडळा ंनी आपले गणेश उत्सव साजरे केले असले तरी वीस मंडळे मिरवणुकीत सहभागी होतील अशी आशा आहे .

   

चिनावल कर नागरिकांचे पोलीस प्रशासनाने मानले आभार 

            चिनावल येथील फोटो 

   चिनावल येथे सातव्या दिवशी पंधरा गणेश मंडळांनी उत्साह पूर्ण वातावरणात ढोल ताशाच्या गजरात बेंजो च्या तालावर गावातून शांततेत मिरवणूक काढून पोलीस प्रशासनास सहकार्य केले तसेच या मिरवणुकीत मुस्लिम समाजाने ही आमच्या विनंतीस मान देऊन सर्वतोपरी सहकार्य केले त्यांचे पोलीस प्रशासनातर्फे आभार त्याच पद्धतीने सावदा शहरातील हिंदू मुस्लिम नागरिकांना विनंती आहे की चिनावल प्रमाणेच आपणही सर्वांनी कोणताही उपद्रव न करता शांततेच्या मार्गाने विसर्जन गणपती  मिरवणूक मुस्लिम बांधवांनी ईद ए मिलाद चा जुलूस मिरवणूक शांततेत  पार पाडावी व प्रशासनास सहकार्य करावे असे आवाहन मुक्ताईनगर विभागाचे डी वाय एस पी राजकुमार शिंदे यांच्यासह सावदा पोलीस ठाण्याचे पोलीस सहाय्यक पोलीस निरीक्षक जालिंदर पळे यांनी केले आहे.