चुकीने आलेले पैसे परत देत शिक्षकाने साधले 'समाधान'

 लेवाजगत न्युज नंदुरबार : यूपीआय आयडीवर ऑनलाईन पद्धतीने खात्यावर आलेले ५५ हजार रुपये शिक्षकाने प्रामाणिकपणाने आले तेथेच परत पाठवत प्रामाणिकपणाचे समाधान कमावले आहे.

६ सप्टेंबर रोजी खर्दे खुर्द, ता. नंदुरबार येथील विद्यालयातील शिक्षक समाधान गोपीचंद सोनवणे यांच्या फोन पे अॅपवर खात्यात पैसे वर्ग झाल्याची माहिती त्यांना आली होती. ६ सप्टेंबर रोजी शाळेवर ज्ञानदानाचे आहे.

कार्य करत असताना त्यांच्या खात्यात ५५ हजार २२९ रुपये वर्ग झाल्याचा मेसेज मोबाईलवर मिळाला. त्यांनी या प्रकाराची पडताळणी करुन पाहिली असता, हे पैसे बीड जिल्ह्यातील अंबेजोगाई येथील विटभट्टीवर कामावर असलेल्या ईस्माईल अकबर पठाण याचे असल्याची माहिती त्यांना मिळाली. त्यातून त्यांनी तातडीने बँकेत धाव घेत व्यवस्थापकाला संपर्क करुन सर्व पैसे परत करण्याचे सूचित केले. दरम्यान हे पैसे ईस्माईल पठाण याचे असल्याचे स्पष्ट झाल्यानंतर ते परत करण्यात आले. सोनवणे यांच्या या प्रामाणिकपणाचे सर्वत्र कौतुक करण्यात येत आहे.