सावदा येथील अल्पवयीन मुलीचा विनयभंग करणारा संचालक ताब्यात, भुसावळ न्यायालयात हजर केले असता संशयित आरोपी अक्रम खान यांना मिळाली २ दिवसांची पोलीस कोठडी"

 

सावदा येथील अल्पवयीन मुलीचा विनयभंग करणारा संचालक ताब्यात,

भुसावळ न्यायालयात हजर केले असता संशयित आरोपी अक्रम खान यांना मिळाली २ दिवसांची पोलीस कोठडी"

लेवाजगत न्यूज  सावदा :- येथील इत्तेहाद एज्युकेशन सोसायटीद्वारे संचालित ॲंग्लो उर्दू हायस्कूल मध्ये संचालक तथा शाळा समिती चेअरमन अक्रम खान अमानुल्ला खान या संचालकाने शाळकरी बालिकेचा वाईट हेतूने अतिशय घृणास्पद पद्धतीने विनयभंग केल्याची घटना घडली होती तेव्हा पासून आरोपी फरार होता.त्याला काल रात्री ताब्यात घेण्यात आले होते .त्यास रावेर येथील न्यायालयात हजर केले असता दोन दिवसांची पोलीस कस्टडी देण्यात आली आहे.

   संचालक अक्रम खान अमानुल्ला खान  याने बालिकेचा विनयभंग करून थेट घटणेच्या दिवसांपासून फरार झाला होता.तसेच सदर प्रकरण उघडकीस होवू नये,यासाठी तारेवरची कसरत करणारे मुख्याध्यापक इरफान खान जमशेर खान सह २ शिक्षकांविरुद्ध पीडित बालिकेच्या फिर्यादीवरून सावदा पोलीसात ७ ऑगस्ट रोजी गुन्हा दाखल झाला होता.

 मात्र मुख्य संशयित आरोपी अक्रम खान सह कोणालाही अटक झाली नव्हती,म्हणून सावदा शहरातील संतप्त महिलांसह पालकांनी ३ दिवसांपूर्वी आधी शाळेत जावून त्यानंतर थेट पोलिस ठाणे गाठून अशा  प्रवृत्तीच्या दोषींना लवकर अटक झालीच पाहिजे असा पवित्रा त्यावेळी मोर्चेकरी महिलांनी घेतला असता एपीआय जालींदर पळे व पोउपनि विनोद खांडबहाले यांनी महिलांच्या तीव्र अशा भावना ऐकून घेत आरोपींना लवकर अटक केली जाईल असे दिलेले आश्वासनाची पूर्तता दि.१४ ऑगस्ट रोजी रात्री मुख्य संशयित आरोपी अक्रम खान अमानुल्ला खान यास तपास चक्र फिरवून अटक करून "घडलेली घटनेची गंभीरता लक्षात घेता कायदा व व्यवस्थेचा प्रश्न उपस्थित होता कामा नये"सबब सदरील संशयित आरोपीला सावदा पोलिस ठाण्यात न ठेवता थेट भूसावळ येथे हलविण्यात आले.यानंतर आजच त्याला भूसावळ न्यायालयात हजर केले असता त्यास २ दिवसांची पोलीस कोठडी मिळाली आहे.