जागृत नागरिकांनी थांबवली भुसावळ येथे अवैद्य वृक्षतोड

लेवाजगत न्यूज भुसावळ-शहरातील टीव्ही टॉवर , गंगावाडी भागात अवैध वृक्षतोडीचा प्रयत्न परिसरातील नागरिकांनी हाणून पाडला . 

   पालिकेची परवानगी नसताना कडूनिंब व वडाचे झाड तोडण्यात येत होते . त्यास नागरिकांनी विरोध केला . शहरातील टीव्ही टॉवर सर्वे नंबर १६५ मध्ये वड व निंबाचे झाड तोडण्यासाठी मजूर दाखल झाले . झाड तोडणे सुरू असताना परिसरातील संतोष पाटील , नीलिमा पाटील , मंगेश नेहेते , श्रीकृष्ण कोल्हे , हितेश टेकवाणी , पुष्पा पाटील , भावेश पाटील , सिध्दी पाटील , सुरेश राणे , मधुकर पाटील यांनी झाडे तोडणारे सुरेश खुशलानी यांचेकडे पालिकेच्या परवानगीची मागणी केली . मात्र , खुशलानी यांनी केवळ पालिकेकडे परवानगीसाठी अर्ज केला होता . पालिकेकडून त्यास लेखी मंजुरी नव्हती . तरीही ते वृक्षतोड करत असल्याने नागरिकांनी हा प्रकार थांबवला .