व्हिडिओ-गच्चीवरून मोबाईलवर बोलताना तरुणी पडली खाली

व्हिडिओ-गच्चीवरून मोबाईलवर बोलताना तरुणी पडली खाली

वृत्तसंस्था विरार- नालासोपाऱ्यामध्ये एक विचित्र घटना समोर आली आहे. नालासोपारा पूर्व येथील सेंट्रल पार्क परिसरातील रजनी अपार्टमेंटमध्ये राहणारी एक तरुणी मोबाईलवर बोलता बोलता गच्चीवरुन खाली पडली. सुदैवाने या तरुणीचे प्राण वाचले असून तिला गंभीर दुखापत झाली आहे.

व्हिडीओ बघा या घटनेचा-https://youtu.be/uyStdz7E6p8

या विचित्र अपघातामध्ये जखमी झालेल्या तरुणीचं नावं श्रुती भुपेश पांडे असं असून ती १९ वर्षांची आहे. श्रुती रविवारी सायंकाळी इमारतीच्या गच्चीवर मोबाईलवर बोलत होती. अचानक तिच्या हातातून मोबाईल सटकला आणि खाली पडला. मोबाईल पकडण्याच्या नदात श्रुतीचा तोल गेला आणि ती खाली पडली. इमारतीचे काम सुरु असल्याने बांधलेल्या पत्र्यांमुळे इमारतीच्याच्या पहिल्या मजल्यावरील लोखंडी ग्रीलवर श्रुती पडली.

अगदीच अडगळीची जागा असल्याने या ठिकाणाहून बाहेर निघण्यासाठी कोणताही मार्ग उपलब्ध नसल्याने श्रुती या ठिकाणी अडकून पडली. तिने मदतासाठी आरडाओरड केल्यानंतर इमारतीमधील रहिवाशांचं तिच्याकडे लक्ष गेलं. त्यानंतर इमारतीमधील इतर रहिवाशांनी अग्निशमन विभागाला फोन करुन घडलेल्या घटनेची माहिती दिली. अग्निशमन दलाचे जवान घटनास्थळी पोहचेपर्यंत या तरुणाला सोबत करण्यासाठी काही तरुण या पत्र्यावर चढले. ही तरुणी आई आणि आजीचा उल्लेख करत, ‘मला फार दुखतंय’ असं ओरडत होती. तरुणीच्या हाताला आणि पायाला मार लागल्याने तिला पत्र्यावरुन सुखरुप बाहेर काढण्यासाठी पहिल्या मजल्यावरील या पत्र्याच्या शेडजवळच्या रुमचं ग्रील तोडण्याशिवाय इतर पर्याय उपलब्ध नव्हता.

     रहिवाशांकडून फोनवरुन या घटनेची माहिती मिळाल्यानंतर वसई-विरार अग्निशमन दलाचे जवान घटनास्थळी पोचले. या जवानांनी स्प्रेड कटर मशीनच्या मदतीने ग्रील तोडून मुलीला बाहेर काढले व नजीकच्या रुग्णालयात दाखल केले. या तरुणीच्या हाताला आणि पायाला गंभीर दुखापत झाली आहे.