भुसावळ येथे निर्वस्त्र महिलेचा कुजलेल्या अवस्थेत आढळला मृतदेह

लेवाजगत न्यूज भुसावळ - शहरातील साकरी फाटा मधूवन हॉटेलच्या मागे वरणगांव रोड जवळ कुजलेल्या अवस्थेत महिलेचा मृतदेह मिळाल्याने परिसरात खळबळ उडाली .

       अधिक माहिती अशी की , फिर्यादी दिपा शक्तीकुमार तिवारी वय 30 राहणार साकरी फाटा मधूवन हॉटेलच्या मागे वरणगांव रोड भुसावळ यांनी दिलेल्या फिर्यादीवरून दिनांक १४ सप्टेंबर २०२२ रोजी दुपारी १२ वाजेला भुसावळ शहरात फिर्यादीच्या घराच्या मागील बाजूस झाडा- झुडपात मधून दुर्गंध आल्याने फिर्यादी पाहणी करण्यासाठी गेले असता झाडा झुडपात ३०-३५ वयोगटातील अनोळखी महिलेचा मृतदेह कुजलेल्या अवस्थेत असल्याचे समजले . तत्काळ महिलेने पोलिसांना घटनेची माहिती दिली . काही क्षणातच घटनास्थळी उपविभागीय पोलीस अधिकारी सोमनाथ वाघचौरे , बाजारपेठ पोलीस स्टेशनचे निरीक्षक राहुल गायकवाड , सपोनि हरिष भोये , पोहेकॉ विजय नेरकर , प्रशांत परदेशी , सचिन चौधरी , योगेश माळी , निलेश चौधरी , प्रशांत सोनार यांनी  भेट दिली . 

    पोलिसांच्या समोर मोठे आवाहन ...

   भुसावळ शहरात गेल्या सात ते आठ दिवसापासून साकरी फाटा मधूवन हॉटेलच्या मागे वरणगांव रोड भुसावळ येथे झाडा- झुडपात महिलेचा मृतदेह पडलेला होता अचानक परिसरातील नागरिकांना दुर्गंध आल्याने ते पाहणी करण्यासाठी झाडा - झुडपाकडे गेले असता त्याठिकाणी कुजलेले अवस्थेत महिलेचा मृतदे आढळून आला . महिलेचा चेहरा पूर्ण पणे एखाद्या वस्तूने ठेचलेला असल्याने पोलिसांना ओळख पटविण्यास अनेक अडचणी येत आहेत . हॉटेलच्या आजूबाजूला कुठलेही कॅमेरे नसल्याने नेमकी ही महिला कोण ? असा प्रश्न पोलीस प्रशासनाला भेळसावत आहे.

 महिलेच्या अंगावरती कुठलेही निशाण नसल्याने व महिला निर्वस्त्र असून कुजल्याने अवस्थेत झाडा - झुडपात पोलीस प्रशासनाला आढळून आल्याने घटनास्थळी एकही सुराग पोलिसांना न मिळाल्याने तपास दरम्यान पोलिसांच्या अडचणी वाढण्याची शक्यता आहे . प्राथमिक अंदाजे ही घटना खुना ची असल्याची शक्यता नाकारता ये नाही . ही घटना पोलीस प्रशासनाला एक आव्हाहन असून घटनेच्या गांभीर्यापर्यत पोहचणार का ? याकडे नागरीकांचे लक्ष लागून आहे .