बीडमध्ये कार-बाईकचा भीषण अपघात

लेवाजगत न्युज बीड:- बीड-परळी महामार्गावरील मौज गावाजवळ अर्टिगा आणि दुचाकीचा भीषण अपघात झाला. या भीषण अपघातात दुचाकीवरील दोन जण जागीच ठार झाले. यातील एक जण कारखाली आला तर एक जण उडून रस्त्याच्या कडेला पडला.

माजलगावहून बीडकडे येणारी अर्टिगा (MH04 GD 4605) आणि बीडहून वडवणीकडे जाणारी दुचाकी (MH 44 E 9852) या वाहनांचा मौज फाट्यावर अपघात झाला. धडक इतकी जोरदार होती की अर्टिगा कारचा समोरून चक्काचूर झाला. अपघातात मृत्यूमुखी पडलेल्या दोघांची माहिती अद्यापपर्यंत समजलेली नाही.

गेल्या काही दिवसांपासून बीड जिल्ह्यात अपघाताचे सत्र वाढत चालले आहे. कार आणि दुचाकीला ज्या ठिकाणी अपघात झाला, तिथे याआधीही अनेकदा अपघाताच्या घटना घडल्या आहेत. रस्त्याच्या आजूबाजूला राहणाऱ्या लोकांनी अनेकदा रस्ता रुंदीकरणाच्या मागणीसाठी बांधकाम विभागाला निवेदने दिली. मात्र प्रशासनाने त्याकडे दुर्लक्ष केले. त्यातच रस्त्यावर अनेक ठिकाणी खड्डे पडले आहेत. त्यामुळे अपघातांची संख्या वाढत आहे.